Eolas ar Tuairisceán Cánach Ioncaim

Fáilte romhat go dtí saoráid leictreonach na gCoimisinéirí Ioncaim le haghaidh Tuairisceán Cánach Ioncaim.

Seo é an bealach is tapúla agus is áisiúla do Thuairisceán Cánach ÍMAT a chur isteach.

Ní mór go ndéanfadh duine arb í fostaíocht ÍMAT nó pinsean a p(h)ríomhfhoinse ioncaim nó stiúrthóir cuideachta neamhdhílsithe a íocann cáin ioncaim uile faoin gcóras ÍMAT an Tuairisceán Cánach seo a chomhlánú. Tuairisceán Ioncaim don Bhliain dar Críoch 31 Nollaig agus éileamh ar Chreidmheasanna Cánach, Liúntais agus Fhaoisimh don Bhliain dar Críoch 31 Nollaig is ea an Tuairisceán Cánach Ioncaim.

TABHAIR FAOI DEARA:

1. Ba chóir do dhuine ar ‘duine inmhuirir’ é nó í chun cuspóra Cáin Ioncaim Féinmheasúnaithe, Tuairisceán Cánach Íoc agus Tuairiscigh, Foirm 11E nó Foirm 11 a chomhlánú.
2. Le haghaidh Féinmheasúnaithe, is mar 'dhuine inmhuirir' a amharctar ar dhuine ag a bhfuil foinse ioncaim ÍMAT agus ioncam comhlán iomlán ó fhoinsí uile neamh-ÍMAT de €50,000 nó níos mó (lena n-áirítear ioncam faoi réir CCÚT/DIRT) agus ní mór dó/di Foirm 11 a chomhlánú don bhliain sin.
3. Le haghaidh Féinmheasúnaithe, is mar 'dhuine inmhuirir' a amharctar ar dhuine ag a bhfuil foinse ioncaim ÍMAT agus glanioncam inmheasúnaithe neamh-ÍMAT acu de €3,174 nó níos mó (lena n-áirítear ioncam faoi réir CCÚT/DIRT) agus ní mór dó/di Foirm 11 a chomhlánú don bhliain sin.
4. Ní mar 'dhuine inmhuirir' a amharctar ar dhuine ag a bhfuil foinse ioncaim ÍMAT agus glanioncam inmheasúnaithe neamh-ÍMAT faoi bhun €3,174 (de bharr caillteanas, liúntas caipitil agus faoiseamh eile) agus an t-ioncam sin códaithe in aghaidh creidmheasanna cánach nó cáin iomlán gearrtha air ag an bhfoinse.

Dún

Cibé ar iarradh ort an fhoirm seo a chur isteach trí litir a fuair tú ó d'oifig Cánach, nó gur roghnaigh tú féin é sin a dhéanamh, tá na céimeanna céanna le leanúint chun an r-Fhoirm seo a chur isteach go rathúil. Tabhair faoi deara gur chóir duit do Thuairisceán Cánach don bhliain 2014 a ullmhú agus a chur isteach ar an 31 Deireadh Fómhair 2015 ar a dhéanaí.

Cáin Ghnóthachan Caipitiúil (CGC)

• Ní fhorálann Tuairisceán Cánach Ioncaim sonraí faoin gCáin Ghnóthachan Caipitiúil a chur isteach. Má chuireann tú féin (nó do chéile, pháirtnéir sibhialta, más ábhartha), sóchmainní inmhuiri de láímh i rith na bliana, beidh ort tuairisceán CGC a chomhlánú chuige sin agus é a chur ar ais chuig d'Óifig Cánach. Tá breis eolais faoin gCáin Ghnóthachan Caipitiúil ar fáil anseo.

Tabhair do d'aire nach gá admhálacha a chur isteach in éineacht leis an tuairisceán seo ach gur chóir gach admháil ábhartha a choinneáil ar feadh sé bliana, óir is féidir go roghnófar do thuairisceán le haghaidh mionscrúdaithe amach anseo.